|
|
TAAQ Uummannameersut - ukiuni kingullerni nunatsinni rockimik nipilersortartut pitsaanersaat Nipilersortartut Ummannameersut TAAQ saqqummersitaraat siulleq. Taaguuserneqarpoq "Sapilerseqaarma". Nipilersoqatigiit ukiuni sisamani-tallimani nipilersortareerput, aatsaalli immiussipput. TAAQ-p immiussaa pitsalluinnartoq saqqummersinneqarpoq. Nipaa akornuteqanngivippoq, nipilersornerallu tusarnaassallugu peqqissiminanngilaq. Erinarsortuat Knud Mathiassen erinageqaaq - nipilersortut tusarnequtigeqaat. Nukaaka Motzfeldt ilaavoq TAAQ tallimanik nipilersortoqarpoq. Ittoraat Thomas Lange, guitarertoq, Per Johanson tumerparpaartoq, Peter Hendriksen qatitoortoq, Jens Thorin pattattoq, Knud Mathiassen erinarsortuulluni. Nipilersoqatigeeqaat, saqqummersitaallu siulleq piumaneqaqaaq. TAAQ-p nipilersukkaminni "Uungalu saninnut pillutit" erinarsornerani Nukaaka Motzfeldt ingiortigaat. Nipilersugaq torrallataq Nukaakallu erinaa - allamik taasariaqanngilaq tusaqqoornarluinnartoq. CD pitsaalluinnartoq - pisiarinissaanut kaammattutigissallugu ajukkunnanngitsoq ! !
|
|
|
|
|
|
|
|
Nipilersotatigiit Taaq saqqummersitaat kigulleq Isaavissuaq, nunatsinni rock-imik immiussat alutornaluinnartut ilangaat! Tuuma, Kunuk, Jensi, Peri Piitarlu alutornartulioqqipput! Erinnat nunatsinni inuusuttunit ´maqaasisaasut´ erinnat sakkortuut taallallu oqariartuutinik imaqartut kiisalu erinnat aamma eqqissisimasut tusarnersullu saqqummersitami ilaapput. Malunnarpoq tuluit nipilersortartorsuit soorlu Deep Purple aamma Rainbow nuannaartorilluangaasa ilangigaat aammalu nammineerusussuseqarnerat taallatigut suli tusarsaalluni. Kalaallit nipilersortartut amerlanngillat tuluttuunngortitsisarnerat, 1996-imi nunatsinni erinnat nuannarineqarnerpaartarigunagaat "Erseqqarissoq" maanna aamma tuluttuunngortinneqarsimavoq! Erinaq eqqissisimasumik tusarnersumillu cd-mi nipiginnerpaartaalluni saqqummerseqqinneqarpoq, tassanikkut tuluttut erinarsortuuvoq ´Kammalaataat´ Californiamiu Kathrine erinagilluinnartoq. Isaavissuaq erinnanik nutaanik imaqarpoq - aamma illit nuannariumaakkarnik!
|
|
|
|
|
|
