Quit & Win

Активности на невладините организации за
прекин на пушењето во светот

Интернационалната невладина коалиција за контрола на тутунот – Interantional Non Government Coalition Against Tobacco (INGCAT) е формирана на 9та Светска конференција за тутун или здравје во Парис, во 1994 година (The 9th World Conference on Tobacco or Health) од страна на Интернационалната Унија против туберкулозата и белодробните заболувања (IUATLD), Интернационалната организација против канцерот (UICC) и Светската федерација за срце (WHF). Сега во неа членуваат многубројни, од мали национални здруженија до организации на глобално ниво шитум светот.
ЦЕЛИ:
Пушењето е еден од трите кључни ризик фактори поврзани со начинот на живеење на населението што влијае на зголемување на морбидитетот и морталитетот од хроничните незаразни болести кои за среќа можат да се превенираат. Се до 2010 година, 70% од смртноста во земјите во развој меѓу кои е и Република Македонија ќе биде предизвикана од користење на цигари и производи на тутун. INGCAT како коалиција на светските водечки организации е формирана со цел да го редуцира овој проблем. Седиште се наоѓа во Лондон.
ГЛАВНИ АКТИВНОСТИ:

Намерата е да се помогне на земјите–членки на оваа коалиција во превземање ефективни активности за прекин на пушењето, принципиелно во контекс на Конвенцијата за контрола на тутунот на Светската здравствена организација–СЗО (WHO The Framework Convention on Tobacco Control – FCTC).

Ова вклучува обезбедување на информации, консензус на политички мерки, помош во изнаоѓање ресорси, техничка помош, едукативни курсеви/семинари, можности за поврзување со други организации и координирани интарнационални кампањи, воедно обезбедувајќи практични препораки за контрола на тутунот на СЗО наменети за професионалните здравствени организации, препораки за третман и практична примена.

Невладините организации, вклучувајќи ја и оваа интернационална коалиција настапија на првата конференција за FCTC во Женева, од 6–17 фебруари, 2006 година.
(www.fctc.org, www.lutherterry.net ).

Главната цел е да се помогне на земјите–членки во изготвување и имплементација на ефективни програми за контрола на тутунот и тие да се инкорпорираат во нивните стратегии и оперативни планови. Развиениот концепт за глобално партнерство за контрола на пушењето ги обединува интернационалните невладини организации, меѓувладините агенции, донаторските агенции и организациите во приватниот сектор кои имаат желба да работат заедно, зголемувајќи ја ефективноста.

Многу политички мерки за контрола на пушењето имаат потреба од интернационална координирана акција како што е кампањата „Прекини и победи“ (Quit&Win), во рамки на Конвенцијата за контрола на тутунот (WHO, FCTC) која бара масивна мобилизација на невладините организации, покрај превземање активности од страна на владиниот сектор.

Често пати, националните коалиции составени од невладините организации, на ниво на секоја држава се водечки во спроведување на ефективна контрола над користењето на производи на тутун. Тие се главни носители на едукативните програми и третман за оние кои имаат желба да прекинат да пушат или водечки во истражувањата за употреба на тутунот. Исто така, тие играат главна улога во ратификација и имплементација на Конвенцијата за контрола на тутунот (WHO, FCTC). Тие формираат и служби за едукација и третман, промовирање на здрава околина и чист воздух без пушење цигари, како и стимулираат дебати од областа на науката и етиката во контрола на тутунот.

Многу невладини организации, членки на INGCAT и други реномирани организации публикуваат кратки препораки и истражувања, како и веб–страници со различни аспекти на контрола на користење на производи од тутун, вклучувајќи теми од здравството.