Vestfirska Ættfræðisíðan

Bæirnir    Hrepparnir    Tenglar    Forsíða    Spurningar    Sóknirnar    Vestfirðir    Fólkið    e-mail    Ættir    Bækur

Ísafjarðardjúp

Ísafjarðardjúp er stór fjörður sem greinist í fjölmarga minni og er í daglegu tali nefnt Djúpið. Það er um 20 km breitt milli Stigahlíðar og Grænuhlíðar. 

Við Ísafjarðardjúp er nú öll byggð í Norður-Ísafjarðarsýslu eftir að búseta lagðist niður í Hornbjargsvita, en Jökulfirðir eru óbyggðir. Þar var síðast búið í Grunnavík en byggðin þar fór í eyði 1962.

Allt þetta svæði tilheyrir nú fjórum sveitarfélögum, Bolungarvík, Súðavíkurhreppi, Hólmavíkurhrepp og Ísafjarðarbæ.

Austur úr Ísafjarðardjúpi utarlega, gengur flói eða breiður fjörður, sem nokkrir kvíslast í nokkra firði og heita þeir allir einu nafni, Jökulfirðir. Byggð var fyrrum um alla Jökulfirði en þó strjálbýlt nema í Grunnavík og á Hesteyri. Jökulfjörðum tilheyra Grunnavík, Leirufjörður, Hrafnsfjörður, Lónafjörður, Veiðileysufjörður og Hesteyrarfjörður.