| Z listu do Przyjaciół ze ¦laska (grudzień
2002):
"... Nojwyzszy juz czas napisac Wom troszka o tym, czym od dobrych poru
miesiyncy zyje Nowo Zylandjo a szczegolnie Auckland, kiere nieprzipadkowo
nazywane je City of Sails – Miasto Zagli. „Od dobrych poru miesiyncy”
nie je wlasciwym okryslyniym, bo sprawa ta wywoluje wielki emocje Kiwusow
juz od lot. A tak dokladnie to przinajmnij od 1995 roku. Po prowdzie to
juz i downo pryndzyj. Ale po koleji.
Jedna z nojwiynkszych, eli nie nojwjynkszo na swiecie zeglarsko impreza
to som regaty nazywane America’s Cup – Puchar Ameryki. Bierom w tych
regatach udzial nojwjynksze, nojnowoczesniejsze, no i co za tym idzie fest
drogi jachty kiere som projektowane i budowane ekstra yno na ta jedna impreza.
Szloby powiedziec, co jest to tako formula 1 w zeglarstwie. Godajom co
to je tako zeglarsko olimpiada. A zwozcie co regaty te majom historja
dlogszo od nowozytnych igrzysk olimpijskich. Regaty America’s Cup rozgrywane
som juz od 1851 roku i ogromny, trzi-kilowy szczybny puchar je najstarszym
sportowym trofeum na swiecie. Puchar tyn w pjyrszych regatach w 1851 roku
zdobyla lodka z Nowego Jorku (wtedy to daleko im bylo jeszcze do
jachtow) kiero nazywala sie „The America” i beztoz od tego czasu
puchar tyn i cale kole niego zamjyszani nazywo sie „America’s Cup” –
Puchar Ameryki. Bez praje poltora wieku yno dwa razy w przidarzylo
sie co puchar zdobyly zalogi jachtow nieamerykanskich. Roz udalo
sie to Australijczykom, a drugi roz (bylo to w 1995 roku) Nowozylandczykom.
Zasada organizowanio America’s Cup je tako, co zdobywca pucharu organizuje
nastympne zawody u siebie. Je to wielki zaszczyt i okazjo do podreperowanio
budzetu dlo kraju i miasta w kierym te zawody som organizowane. Zeglarstwo
to je szport dlo bogatych (pra Gerad... ?). A zeglarstwo taki jak te wlasnie
co opisuja, to je szport dlo superbogatych. Zjyzdzajom sie na ta impreza
nojwjynksze bogocze z colkigo swiata. Zjyzdzajom na swojich lodkach i
superjachtach kierych oglondani zapjyro juz dech w piersiach. Colko impreza
trwo pora miesiyncy, obecno zaczla sie 1-go pazdziernika a skonczy prawdopodobnie
na poczontku marca prziszlego roku. No i jak zech juz napisol na poczontku,
odbywo sie w Auckland i na wodach zatoki Oceanu Spokojnego (zatoki Hauraki
Gulf), blisko miasta. Z brzegu widac scigajonce sie olbrzimie jachty.
Zaloga nowozelandzko zdobyla Puchar Ameryki w San Diego w 1995 roku.
Po pjynciu latach, w roku 2000 bronjyla go, oczywiscie w Aucklandzie. I
obroniyla! Taki cos, ze puchar zdobyli ci sami drugi roz z rzyndu
przidarzylo sie po roz pjyrszy w colkij historii America’s Cup. Beztoz
puchar zostol w Auckland, a w tym roku momy juz kolejno edycja tych zawodow.
Oczywiscie Kiwusy ani nie dopuszczajom mysli coby puchar komukolwiek oddac.
Do walki o America’s Cup przystympujom tak zwane syndykaty. Som to
ogromne machiny organizacyjne kiere muszom dysponowac niewyobrazalnymi
kwotami pijyndzy. Jachty tych syndykatow projektowane i budowane som w
wielkij tajymnicy przed inkszymi. O wyniku dzisiej decydujom juz metry
i sekundy, beztoz nojmniyjsze szczegoly w budowie jachtu, oprocz wybranej
taktyki, zgranio i wyszkolynio siedymnoscieosobowej zalogi, majom
decydujonce znaczyni. No i w tym roku okazalo sie, co jedyn z syndykatow
(Amerykanie z jachtym OneWorld) posluzyl sie planami wykradzionymi Nowozylandczykom.
Wyszlo to na jaw juz w trakcie zawodow i jacht zostol ukarany utratom jednego
ponktu na kazdym etapie regat. Nawet w wyscigach finalowych, eli sie do
finalu dostanie.
Sama sportowo czynsc regat sklodo sie z dwoch czynsci. Pjyrszo to som
wyscigi jachtow w ramach jakby ganc inkszej imprezy. Nazywo sie to Puchar
Louisa Vuitton’a (Louis Vuitton Cup). W tym roku w szranki starajoncych
sie o te trofeum stanylo 9 syndykatow: dwa wloski, trzi amerykanski, szwajcarski,
szwedzki, brytyjski i francuski. Dopjyro zwyciynzca tych zawodow mo potym
zaszczyt zmierzyc swoji siyly z obroncom Pucharu Ameryki. Od drugigo tydnia
grudnia trwajom polfinaly Louis Vuitton Cup. Ostaly sie juz yno sztyry
zalogi na jachtach: Prada (Wlochy), OneWorld (USA), Alinghi (Szwajcaria)
i Oracle (USA). Zwyciynzca tego pucharu bydzie znany najpozniyj 21 stycznia.
15-go lutego zacznom sie wyscigi pomiyndzy zalogom nowozylandzkom a zdobywcom
pucharu Vuittona. Bydzie to scigani sie do momyntu az kierys z jachtow
pjyrszy wygro 5 wyscigow. Wtedy to tez w Aucklandzie o niczym inkszym
nie pudzie pogodac jak yno o tych regatach. Po ich zakonczyniu odbydzie
sie zas wielko, uroczysto parada w cyntrum naszego miasta. Glownom ulicom
przemaszerujom kolorowe przebjyrance, orkiestry, no i sami uczestnicy America’s
Cup. Tlumy ludzi bydom klaskac, fajrowac i powrzaskiwac z radosciom do
zeglarzy. Oczywiscie jak nasi wygrajom! Ale inkszego rozwionzanio zodyn
tu nie biere pod uwaga.
Dziwic moze trocha nikierych udzial szwajcarskigo jachtu w regatach
i bardzo dobre osiongane przez Alinghi wyniki. Przeca Szwajcario ni mo
zbyt wielkich tradycji zeglarskich, pra. No, ale mo pijondze! Szwajcarskim
jachtym dyrygujom Nowozelandczyki! Te same co w 2000 roku zdobyly Puchar.
Nic wjync dziwnego w tym co Alinghi je tako dobro.
Miasto Auckland fest zyskalo na organizowaniu w 2000 roku poprzednigo
wydanio regat America’s Cup. Fest rozbudowano mjyndzynarodowe lotnisko,
powstala ogromnie pjykno „wioska” regatowo w okolicy portu jachtowego w
cyntrum miasta. Tez i som port bardzo pjyknie zmodernizowano. Od tego czasu
i z tych okazji stowajom tam najdrozsze jachty i lodzie (boaty) najbogatszych
ludzi na swiecie. Coby dopingowac „swojich” prziplynyl tez z Wloch
ogromny zaglowiec „Amerigo Vespucci”. Plynyl on do nas praje pol roku.
Stoi teraz w aucklandzkim porcie i nikiedy idzie se go pooglondac we srodku.
Juz teraz port jachtowy w cyntrum miasta je pelny ogromniastych lodzi.
A na czas nojwjynkszych atrakcji zwionzanych z regatami (luty, marzec)
zapowiedzianych je ponad 120 wielkich, jachtow, kiere majom jeszcze do
Auckland przyplynyc. Och, bydzie sie na czym oko oprzyc. I pomyslec jaki
to my som boroki...
W czasie poprzednij edycje America’s Cup byl sam w Auckland Karol Jablonski,
znany polski zeglarz. Byl sam na przeszpiegach, bo som w Polsce ludzie
kierym marzy sie stanyc w szranki tych prestizowych regat. Polski syndykat
jak wjym je w trakcie organizowanio sie, zbjyro fundusze i kupiol nawet
juz od Hiszpanow jakos lodka do tryningow. Fest mi sie wydowo nieprawdopodobne
coby udalo sie Polokom nazbjyrac pijondze do startu w regatach America’c
Cup. Ale „Polok poradzi”, a mozno wynegocjuje w Kopynhadze jakis
dotacje z Unie...? : ) Wiela z tego wyndzie, bydymy widziec w roku
2006, bo na tym czas planuje sie nastympy America’s Cup. Mozno zas w Aucklandzie?
A niechby...! ..."
Wszystkim zainteresowanym regatami America's
Cup polecam zagl±dn±ć na strony:
http://www.pol1.pl/
http://www.polskajeden.com.pl/
|
